|
Comparativa da situación da PEME galega e a PEME europea ante o panorama do comercio electrónico e as novas tecnoloxías
|
A comparación da empresa galega coa europea no tocante ó emprego de Internet e o comercio electrónico amosa un importante desequilibrio. As conclusións extraídas de contrapoñer o e-Barómetro co informe ecommerce in Europe do Eurostat reflicten a pouca práctica que temos aínda neste eido.
No número anterior de e-negociogalicia publicábamos os datos que comparaban a Galicia do 2000 coa do 2002. Nesta reportaxe, os datos que achega o Informe e-Barómetro 2002 Empresas que realizou o Equipo de Investigacións Políticas e Sociolóxicas da USC para o Observatorio do Centro de Competencias compáranse co informe e-commerce in Europe do Eurostat (Comisión Europea). Estes datos pódense consultar na web do Centro de Competencias:
www.e-negociogalicia.com
|
 |
| Ficha Técnica |
Máis PC's en Galicia, pero sen conexión
O 95,6% das PEMES galegas posúen PC, unha cifra superior á media da UE, onde o 92% das empresas teñen ordenadores. Esta é unha cifra pouco representativa, debido a que é o resultado da media de tódolos países e existe un grande escalón entre os países máis desenvolvidos e os menos desenvolvidos de Europa. Sen embargo, o panorama xeral amosa que as PEMES galegas, a pesares de dispoñer de ordenador, non o utilizan sempre para conectarse a Internet, senón que sobre todo para outros usos (contabilidade, etc.). A distancia entre Galicia e Europa neste aspecto é visible: mentres que en Galicia teñen acceso a Internet case o 83% das empresas, en Europa téñeno o 94%.
 |
| Penetración de PCs |
 |
| Empresas con acceso a Internet |
O método de acceso a Internet
Existen diversas variables que determinan a elección dun ou doutro método de conexión. A conexión por módem [?] en Galicia e Europa é equiparable. En Galicia fano o 26,4% das empresas, e en Europa o 27%. Pero as cousas cambian ó falar doutros métodos. No caso do RDSI [?], en Galicia emprégano o 28,9% das empresas, mentres que en Europa elíxeno o 46%. Para entender esta diferencia cómpre explicar que os países europeos máis ricos decantáronse nun principio polo polo RDSI [?] debido a maior calidade de acceso e rapidez. Logo, cando chegou o ADSL [?], o RDSI [?] xa tiña os prezos implantados, e as empresas, satisfeitas, non cambiaron. En España o RDSI [?] era máis caro que en Europa e, axudado pola calidade, o ancho de banda e a tarifa plana, o ADSL [?] entrou con forza e desprazou ó RDSI [?]. Ademais, os europeos utilizan máis redes privadas alugadas a grandes operadoras de telecomunicacións e conéctanse máis por GPRS [?] (GSM avanzado) que os galegos, isto é, o 1,1% das PEMES galegas utilizan redes privadas alugadas fronte a un 7% das europeas, a mesma cifra de empresas que usan o GSM en Europa. As redes alugadas son un bo método de conexión para conglomerados multinacionais e axudan a crear unha rede corporativa virtual.
Por último, en Galicia tan só un 0,4% das empresas navegan a través do seu móbil, un método aínda caro de máis para a nosa comunidade.
 |
| Métodos de Conexión a Internet das PEMES |
|
