|
|
Neste número 04 de e-negociogalicia presentamos os primeiros resultados do informe elaborado polo Equipo de Investigacións Políticas e Sociolóxicas da Universidade de Santiago de Compostela, enmarcado na actividade de observación do Centro de Competencias sobre a situación das novas tecnoloxías e o comercio electrónico nas empresas galegas.
O informe confirma a tendencia ó crecemento dos indicadores máis importantes. Así, mentres a penetración de PC's xa semella próxima ó seu teito, o acceso a Internet por parte das empresas galegas medra significativamente, en 13 puntos, case igual que o incremento do número de empresas con páxina web (crecemento do 12,4%). A pesar deste paralelismo, o crecemento do comercio electrónico orientado a consumidores finais (B2C) é ainda pequeno. No ano 2000 o 6,2 % das empresas galegas facían B2C, mentres que no 2002 o fan o 8,4%. Destes datos podemos sacar unha conclusión importante: ó tempo que os requisitos iniciais (acceso a Internet e dispoñibilidade de páxina web) van medrando e consolidándose, o comercio electrónico segue evolucionando paseniñamente entre as empresas galegas. Mais aínda queda un longo por percorrer para achegarnos ós niveis de implantación de comercio electrónico dos paises máis desenvolvidos do noso contorno, e mellorar así a nosa competitividade.
|
|
|
|
Revista
|
|
| |
|
|
|
|
| |
| |
|
|
