Conferencia Internacional BizPoint

O próximo día 15 de febreiro terá lugar BizPoint - Conferencia Internacional sobre Xanelas Únicas Empresariais, A2B e Apoio a Empresas.

29-01-2007

O vindeiro 15 de febreiro terá lugar no Pazo de Congresos de Santiago de Compostela a terceira conferencia internacional organizada polo proxecto ICHNOS: BizPoint-Conferencia Internacional sobre Xanelas Únicas Empresariais, Administración de cara ás Empresas (A2B) e Apoio a Empresas.

O evento permitirá coñecer o enfoque e plans das principais institucións e expertos relacionados coa materia, así coma os casos europeos de éxito, e constituirá un foco de encontro para estimular o debate sobre os temas tratados. A conferencia Biz Point acollerá o peche do proxecto europeo ICHNOS, no que se presentarán os principais resultados do mesmo.

A Conferencia trata sobre os seguintes temas:

-Xanelas Únicas Empresariais en Europa

-A2B (Administration to Business): Comunicacións e servizos das administracións públicas ás empresas

-Apoio a empresas

Inscripcións e Secretaría Técnica do Comité Organizador

Prema este enlace para ir ó formulario de inscripción

Por correo electrónico: bizpoint@europublic.es

Por teléfono: 902 148 149. Persoas de contacto: Marta L. Rivadulla ou María Godoy

Proxecto ICHNOS

O proxecto europeo ICHNOS –Innovation and Change: Network of One-Stop Shops- parte da premisa de que a implementación de Xanelas Únicas ou Puntos de Acceso Únicos empresariais representa, en moitas rexións, un instrumento clave para promocionar o desenvolvemento local.

Financiado con fondos INTERREGIIIC, o proxecto púxose en marcha en marzo de 2005 co obxectivo de definir un modelo organizacional de Centro de Competencias Rexional para Xanelas Únicas que poida ser transferido a outras rexións europeas así como crear ferramentas tecnolóxicas que faciliten a xestión aos traballadores de xanelas únicas.

Máis información do proxecto Ichnos