Hoxe comezará un curso sobre comercio electrónico para pequenas e medianas empresas no centro de servizos tecnolóxicos Nodus. Entre os aspectos que se abordarán destaca o da seguridade nas transaccións electrónicas.
Durante a xornada sobre “O DNI electrónico: Novas oportunidades de negocio en Internet” con ocasión do día de Internet destacáronse as oportunidades que a implantación deste documento de identificación dixital representa para empresas, administracións públicas e cidadáns.
O Servizo de Asesoramento para o Autoemprego da Universidade da Coruña organiza, en colaboración co Igape, o curso “Internet como ferramenta empresarial”. Nel se darán a coñecer, entre outros asuntos, webs de interese e as vantaxes do uso do correo electrónico, o obxectivo de facilitar o uso das novas tecnoloxías por directivos ou xestores de pequenas compañías para mellorar a súa rendibilidade empresarial.
O centro sociocultural Manuel Oreste, de Paradela, acollerá o próximo día 26 o seminario promovido polo Instituto Galego de Promoción Económica (IGAPE). O obxectivo do mesmo é difundir a utilización das novas tecnoloxías da información e as comunicacións entre os empresarios do municipio.
